Коми ань
Ичoтик да косiник,
Чукырoсь да дзор.
Шоныдiнас, косiнас
Уджавлiн тэ кор?!
Гoрлiн тэ да ытшкылiн,
Бертлiн сывъя пу.
Тoдлiн кочoг бытшкылoм,-
Мудзтo он нин шу!
Ок мыйта,
Мыйта сьoкыдсo пыкин да венiн!
Но эн измы — век мелi да шань.
Вай жo Енлы моз копыртчам тэныд,
Коми ань.
Война вылысь верoсыд
Юрсo бoр эз вай.
Сэки, тэрыб вoраса,
Вoчин кыклысь пай.
Пoдтiн гусьoн дойястo,
Сьoлoмнад эн усь.
А oд мустoм войясыд —
Быдoн сэтшoм кузь!
Ок мыйта,
Мыйта курыдсo пыкин да венiн!
Но эн измы — век мелi да шань.
Вай жo Енлы моз копыртчам тэныд,
Коми ань.
Колин посни челядьoн,-
Пасьтoд найoс, верд.
Но эн некор элясьлы,
Видлывлiн кoть, дерт.
Абу вывсьыд сымынoс
Велoдiн тэ со.
Кодi лыддяс, кымынoс
Пуктiн налы ноп!
Ок мыйта,
Мыйта тшыгoмсo пыкин да венiн!
Но эн измы — век мелi да шань.
Вай жo Енлы моз копыртчам тэныд,
Коми ань.
Воясыд оз косавны,
Чукырсьыд он мын.
Ичoтик да косiник,-
Кутшoм тэнад вын!
Миян олoм сулалас
Уна-уна нэм,
Лoза-вежа му вылас
Тэ кодьыс кор эм!
Ок мыйта,
Мыйта шогсo тэ пыкин да венiн!
Но эн измы — век мелi да шань.
Вай жo Енлы моз копыртчам тэныд,
Коми ань.